Psalms 58
1IADUEN komail lotong, pwe komail sota men lokaia me pung, o komail sota men kapung nin tiak inen, komail aramas akan?2Melel, komail kin wia me sapung nan mongiong o, o nan sap o komail kin kelail ong wiada me sued.
3Me doo sang Kot akan me sapung sang pon kapan in ar akan; me likam kan kin sansalong sili sang nan kaped en in ar akan.
4Ar lingarangar rasong lingarangar en serpent amen, rasong serpent salongepon, me penala salong a.
5Pwen der rong ngil en saunwunani o kati ani men, me kadek wunani.
6Maing Kot, kom kotin katip pasang ni nan au arail; Maing Ieowa, kom kotin kawela ni en laien pulepul akan.
7Kom kotin kawe ir ala dueta pil me kin pwilipwili wei. Ma a kaonopada a kanangan kasik katieu, re kin tip pasang.
8Re pan soredi dueta kamedel aman kin mong pena; re sota pan kilang katipin dueta seri amen, me sota dar pungi.
9Mon omial ainpot pan pam tui, a pan kotin sipet wei ni a ongiong.
10Me pung o pan peren kida a lao kilang depuk ong ir, o a pan widen na a nana ntan me doo san Kot o.
11Aramas akan ap pan inda: Me pung kan pan tungole katin; pwe Kot eta saunkadeik nin sappa.
Copyright information for
PONPDN